ಭಾರತಿ ಬೈಲ್ ನ ನಾಟಿ ವೈದ್ಯರಾದ ನಫೀಸಾ (72) ನಿಧನ

ಭಾರತಿ ಬೈಲ್ ನ ನಫೀಸಾ (72) ಅನಾರೋಗ್ಯದಿಂದ ಶುಕ್ರವಾರ ನಿಧನರಾದರು. 

ನಫೀಸಾ ಅವರು

ಭಾರತಿಬೈಲ್ ನ  ನಾಟಿ ವೈದ್ಯರಾದ ಪಂಡಿತರು ಎಂದೇ ಖ್ಯಾತರಾದ ದಿವಂಗತ ಹಸನಬ್ಬ ಅವರ ಪತ್ನಿ. ಹಸನಬ್ಬ ಅವರ ನಿಧನದ ನಂತರ ನಾಟಿ ಔಷಧಿ ನೀಡುವುದನ್ನು ಮುಂದುವರಿಸಿದ ನಫೀಸಾ ಅವರು

 ನಾಟಿ ಜೌಷಧಿ ನೀಡುವ ಮೂಲಕ ಹಲವರ ರೋಗಗಳನ್ನು ಗುಣಪಡಿಸಿದ್ದರು. ವಿಶೇಷವಾಗಿ ಮಕ್ಕಳಿಲ್ಲದವರಿಗೆ ನಾಟಿ ಔಷಧಿ ನೀಡುವ ಮೂಲಕ ಹಲವು ದಂಪತಿಗಳು ಮಕ್ಕಳನ್ನು ಪಡೆಯಲು ಕಾರಣವಾಗಿದ್ದರು. 

ಮೃತರು ಮೂವರು ಪುತ್ರರು ಹಾಗೂ ಓರ್ವ ಪುತ್ರಿ ಹಾಗೂ ಅಪಾರ ಬಂಧು ಬಳಗವನ್ನು ಅಗಲಿದ್ದಾರೆ. ಮೃತರ ಅಂತ್ಯಕ್ರಿಯೆ ಶನಿವಾರ ಬಣಕಲ್ ಕಬರ್ ಸ್ಥಾನದಲ್ಲಿ ನಡೆಯಲಿದೆ.

ಅಕ್ಟೋಬರ್ 15, 16 ರಂದು ಕಲಾ ಪ್ರತಿಭೋತ್ಸವ

ಕೊಟ್ಟಿಗೆಹಾರ:ಚಿಕ್ಕಮಗಳೂರಿನ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ವತಿಯಿಂದ ಅಕ್ಟೋಬರ್ 15 ಮತ್ತು 16 ರಂದು ಕಲಾಪ್ರತಿಭೋತ್ಸವ ನಡೆಯಲಿದೆ ಎಂದು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸಹಾಯಕ ನಿರ್ದೇಶಕರಾದ ಡಾ.ಸಿ.ರಮೇಶ್ ತಿಳಿಸಿದ್ದಾರೆ.

ಈ ಬಗ್ಗೆ ಪತ್ರಿಕಾ ಹೇಳಿಕೆ ನೀಡಿರುವ ಅವರು, ಮಕ್ಕಳು ಮತ್ತು ಯುವಜನರ ಕಲಾಪ್ರತಿಭೆಯನ್ನು ಗುರುತಿಸಿ ಉತ್ತೇಜನ ನೀಡಲು ಕಲಾಪ್ರತಿಭೋತ್ಸವವನ್ನು  ಅಕ್ಟೋಬರ್ 15 ಮತ್ತು 16 ರಂದು ಚಿಕ್ಕಮಗಳೂರಿನ ಕುವೆಂಪು ಕಲಾಮಂದಿರದಲ್ಲಿ ಆಯೋಜಿಸಲಾಗಿದೆ.  ವಯಸ್ಸಿಗೆ ಅನುಗುಣವಾಗಿ ಬಾಲ ಪ್ರತಿಭೆ (8 ರಿಂದ 14 ವರ್ಷ), ಕಿಶೋರ ಪ್ರತಿಭೆ (14-18 ವರ್ಷ), ಯುವಪ್ರತಿಭೆ (18 ರಿಂದ 30 ವರ್ಷ) ಎಂಬ ಮೂರು ವಿಭಾಗದಲ್ಲಿ ಸ್ಪರ್ಧೆ ನಡೆಯಲಿದೆ. ಮೂರು ವಿಭಾಗಳಲ್ಲಿ ಶಾಸ್ತ್ರೀಯ ನೃತ್ಯ, ಜನಪದ ಗೀತೆ, ಚಿತ್ರಕಲೆ, ಕರ್ನಾಟಕ ಶಾಸ್ತ್ರೀಯ ಸಂಗೀತ, ಹಿಂದೂಸ್ತಾನಿ ವಾದ್ಯ ಸಂಗೀತ, ಸುಗಮ ಸಂಗೀತ ಕಲಾಪ್ರಕಾರಗಳಿರಲಿದ್ದು ಯುವಪ್ರತಿಭೆ ವಿಭಾಗದಲ್ಲಿ ಈ ಎಲ್ಲಾ ಕಲಾಪ್ರಕಾರಗಳ ಜೊತೆಗೆ ಆಶುಭಾಷಣವೂ  ಇರಲಿದೆ. ಸಮೂಹ ಸ್ಪರ್ಧೆ ವಿಭಾಗದಲ್ಲಿ ಜನಪದ ನೃತ್ಯ ಮತ್ತು ನಾಟಕವಿದ್ದು ಭಾಗವಹಿಸುವ ಸ್ಪರ್ಧಿಗಳು ಅರ್ಜಿಯನ್ನು ಅಕ್ಟೋಬರ್ 12 ರ ಸಂಜೆ 5 ಗಂಟೆಯೊಳಗೆ ಸಹಾಯಕ ನಿರ್ಧೇಶಕರು, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಕುವೆಂಪು ಕಲಾಮಂದಿರ ಚಿಕ್ಕಮಗಳೂರು -577101 ಈ ವಿಳಾಸಕ್ಕೆ ಅಂಚೆಯ ಮೂಲಕ ಅಥವಾ ಖುದ್ದಾಗಿ ಕಳಿಸಬಹುದು. ಹೆಚ್ಚಿನ ಮಾಹಿತಿಗೆ 08262298172 ಗೆ ಸಂರ್ಪಕಿಸಬಹುದು ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.